🌍 Bota
Lufta në Ukrainë, Rusia mban zgjedhje lokale në zonat që ka okupuar në Ukrainë
nga Venera Grabanica8 shtator 2023
Njerëzve që jetojnë në zonat e okupuara nga Rusia në Ukrainë po u kërkohet të votojnë në ato që autoritetet po i përshkruajnë si zgjedhje lokale.
Ministria e Jashtme e Ukrainës e ka quajtur votimin “mashtrim”, duke thënë se nuk do të ketë ligjshmëri, transmeton rtv21.tv
Kandidatët janë ose rusë ose pro-rusë, dhe përfshijnë të zgjedhur drejtpërdrejt nga Moska, raportoi BBC.
Shumicës prej atyre që po marrin pjesë në votimet e parakohshme u është kërkuar të hedhin votën në prezencën e ushtarëve të armatosur rusë.
Sekretari amerikan i Shtetit, Antony Blinken, kritikoi gjithashtu sondazhet duke thënë: “Zgjedhjet e rreme të Rusisë në zonat e pushtuara të Ukrainës janë të paligjshme”. Kjo shkaktoi një përgjigje nga ambasada ruse në SHBA, e cila akuzoi Washingtonin për ndërhyrje në punët e brendshme të Moskës./21Media
