Për vitin e dytë radhazi, Federata e Basketbollit e Kosovës (FBK) po i organizon garat e Alley Oop.
Gara e parë ashtu si edicionin e kaluar u organizua në kryeqytet.
Në këtë garë morën pjesë pesë ekipe. Fillimisht u zhvilluan ndeshjet në grupe, e më pas dy ndeshjet gjysmëfinale dhe finalja.
E, në finale, pas sfidave interesante u përballën Prishtina me Mjeshtrat, ku Prishtina sërish fitoi në kryeqytet me rezultat 21:16.
Alley Oop këtë edicion do të mbahet në tetë qytete të Kosovës, duke e bërë më masovik 3×3, që është një nga qëllimet e Federatës së Basketbollit të Kosovës.
Ky udhëtim sportiv përmbyllet me një turne final në Prishtinë, ku do të përballen fituesit e të gjitha qyteteve, të cilët do të përfaqësojnë qytetin e tyre për titullin kampion.
