Osmani: Krishtlindja, na kujton se duhet t’i vlerësojmë njerëzit

Presidentja e Kosovës, Vjosa Osmani, sonte në festën e Krishtlindjes në Katedralen Shën Nënë Tereza në Prishtinë, tha se Krishtlindja është frymëzim që na kujton të gjithëve se përball sfidave duhet të triumfojë shpresa.

“Ajo na kujton se duhet t’i vlerësojmë njerëzit në jetën tonë, t’ua shprehim mirënjohjen tonë, familjes që na do pa kursim, miqve që na qëndrojnë pran dhe bashkëkombësve me të cilët na lidh gjaku, gjuha e shpresa. Magjia e Krishtlindjes na bën që sonte të kthejmë vëmendjen ndaj atyre që na qëndrojnë afër edhe ndaj atyre që janë larg me shërbim. Mbi të gjitha ndaj atyre që sot kanë më shumë nevojë për kujdesin tonë”, tha presidentja Osmani.