Maqedonci e Kasanof flasin për zbarkime të FSK-së me trupat amerikane në misione ndërkombëtare

Ministri i Mbrojtjes, Ejup Maqedonci dhe komandanti i FSK-së, gjenerallejtënant Bashkim Jashari, janë pritur të martën në takim nga Ndihmëssekretari i Shtetit, Alexander Kasanof, në Departamentin Amerikan të Shtetit.

Ministria e Mbrojtjes, ka njoftuar se në këtë takim është theksuar rëndësia e vazhdimit të mbështetjes së diplomacisë amerikane në aspiratën e vendit për integrim në strukturat euro-atlantike.

“Në këtë kontekst u diskutua edhe për bashkëzbarkimet e planifikuara të Forcës së Sigurisë së Kosovës në misione ndërkombetare me trupat amerikane, që përveç aspektit të rritjes së ndërveprueshmërisë në aspektin ushtarak, do të ketë ndikim pozitiv edhe në forcimin e subjektivitetit ndërkombëtar të vendit tonë”, thuhet në njoftim.