⚽ Futboll
Llapi e Malisheva luajnë sot ndeshjet kthyese në garat evropiane
nga Venera Grabanica18 korrik 2024
Dy skuadrat kosovare, Llapi dhe Malisheva do të rikthehen sot në garat evropiane, përkatësisht në Ligën e Evropës dhe Ligën e Konferencës.
Llapi e pret në stadiumin “Zahir Pajaziti” në Podujevë skuadrën polake Vilsa ndaj së cilës në javën e kaluar pësoi disfatë 2-0 dhe është përballë një misioni mjaftë të vështirë për ta përmbysur rezultatin dhe për t’u kualifikuar në rrethin tjetër të kësaj gare.
Nga ana tjetër, Malisheva luan në udhëtim tek Buducnosti në Mal të Zi. Atje klubi kosovar synon ta ruaj epërsinë e 1-0 nga ndeshja e parë të kalojë në fazën tjetër për të bërë kështu histori. Kjo ndeshje nis nga ora 21:00.
