​Arrestohen katër persona të dyshuar për grabitje në Fushë Kosovë

Policia e Kosovë ka arrestuar katër persona të dyshuar për grabitje. Rasti raportohet të ketë ndodhur në rrugën “Nëna Terezë” në Fushë Kosovë.

Sipas Policisë së Kosovës, persona të dyshuar, duke përdorur sprej, me forcë i kanë grabitur një personi një çantë në të cilën kishte para.

Të dyshuarit janë D.R, E.S, R.B dhe F.Sh, mosha e të cilave është nga 21 në 24 vjeç.

Arrestimi, siç thuhet në njoftimin e Policisë, është bërë pak minuta pasi është raportuar rasti i grabitjes.

Pas përfundimit të veprimeve procedurale me vendim prokurorit të shtetit personat e dyshuar janë dërguar në mbajtje për 48 orë.