Zelensky: Mendoj se mund ta përfundojmë luftën me ndihmën e Trumpit

Presidenti i SHBA-së, Donald Trump, takohet me Presidentin e Ukrainës, Volodymyr Zelensky, në dhomën e kabinetit të Shtëpisë së Bardhë.

Zelensky falënderon mikpritësit e tij dhe përgëzon Trumpin për marrëveshjen e armëpushimit në Gaza.

“Mendoj se mund ta përfundojmë këtë luftë me ndihmën tuaj”, thotë Zelensky. Ai shton se Rusia nuk po ka shumë suksese në fushën e betejës.

Presidenti ukrainas thotë se ka pasur takime me disa kompani amerikane të energjisë që janë të gatshme të investojnë kur të mbarojë lufta.

Trump i bën komplimente Zelensky-t për “xhaketën shumë elegante” përpara se të fillojnë të përgjigjen në pyetje./21Media