Vuçiq: Në janar do të vijnë të mëdhenjtë të më thonë se duhet ta arrijmë marrëveshjen

Presidenti i Serbisë, Aleksandar Vuçiq, tha se pret që në gjysmën e parë të muajit janar në Beograd të vijnë përfaqësues ndërkombëtarë, të cilët do të insistojnë në nevojën që Serbia dhe Kosova të arrijnë një marrëveshje për normalizimin e marrëdhënieve.
“Në gjysmën e parë të janarit, pres që burrat dhe gratë e mëdha të botës të vijnë tek unë dhe të më thonë se duhet të arrijmë një marrëveshje. Na pret një kohë e vështirë për Kosovën, por ne do të luftojmë. Deri më tani, ne kemi luftuar dhe kemi fituar dhe kemi ruajtur paqen dhe stabilitetin”, tha ai.
Vuçiq ka deklaruar se para vazhdimit të dialogut me Kosovën është e nevojshme që bashkësia ndërkombëtare të përmbushë garancitë që tashmë i ka dhënë dhe të veprojë në përputhje me atë që është premtuar.
I pyetur se si i sheh iniciativat e përfaqësuesve të bashkësisë ndërkombëtare për të shfrytëzuar heqjen e barrikadave në Kosovë për të vazhduar dialogun mes Beogradit dhe Prishtinës, Vuçiq tha se është e rëndësishme që ai të përmbushë gjërat nga garancitë që tashmë janë dhënë./21Media