Vdekja e 26-vjeçarit në Prizren, policia njofton se ka arrestuar një shtetas turk
Një ngjarje tragjike ka ndodhur ditën e diel në Prizren, ku një 26-vjeçar ka humbur jetën pasi u ther me thikë nga një person.
Policia në raportin 24-orësh ka dhënë detaje mbi rastin, duke njoftuar se ka arrestuar një të dyshuar shtetas turk.
“Prizren / 06.07.2024 – 23:50. Në lidhje me rastin, më 07.07.2024 gjersa ishte në tretman mjekësor në QKUK, ka ndërruar jetë viktima mashkull Kosovar. Lidhur me rastin është arrestuar një i dyshuar mashkull shtetas i Turqisë.
Me vendim të prokurorit trupi i pajetë i viktimës është dërguar në IML për autopsi, kurse i dyshuari është dërguar në mbajtje”, thuhet në raportin ditor të Policisë.
Policia po ashtu ka njoftuar se viktima ishte gjetur shtrirë në tokë në lagjen Bazhdarhane të Prizrenit, dhe se ai ishte therur me thikë dhe ishte hedhur nga një veturë./21Media
