Trump: Të gjitha kombet të punojnë për zhdukjen e Shtetit lslam
Trump thotë se nuk sheh ndonjë rol në Libi
Presidenti i SHBA-ve, Donald Trump, ka përjashtuar mundësinë e intervenimit ushtarak në Libi për të luftuar Shtetin Islam, por tha se të gjitha kombet duhet të punojnë për zhdukjen e këtij armiku barbar.
Ai në një konferencë për media të enjten me kryeministrin italian, Paulo Gentiloni, tha se njëri nga vendet në të cilat SHBA-të nuk do të intervenojnë është Libia, transmeton CBS News.
“Unë nuk shoh ndonjë rol në Libi. Unë e shoh rolin për “heqje qafesh” të ISIS-it”, ka thënë Trump, duke shtuar se SHBA-të kanë “mjaft role” për momentin.
Ai ka falënderuar kryeministrin italian për rolin e shtetit të tij në kampanjën kundër ISIS-it.
“Të gjitha kombet duhet të dënojnë këtë armik barbar dhe të punojnë përpara në zhdukjen e tij komplete”, tha Trump.
