Presidenti i Shteteve të Bashkuara të Amerikës, Donald Trump postoi një video të gjeneruar nga inteligjenca artificiale me temë mbylljen e qeverisë, një parodi e “(Mos kini frikë) Korrësit”, ku paraqitet Drejtori i Buxhetit Russ Vought në rolin e Vdekjes.
Videoja ilustron qasjen e administratës Trump ndaj shkurtimit të fondeve për qeverinë, sulmit ndaj demokratëve dhe kërcënimit me shkurtime të vendeve të punës.
Në klip, Vought mban një drapër dhe tregohet duke e çuar situatën drejt shkurtimeve nga puna gjatë mbylljes, shkruan ANSA.
Në pamjet filmike, Trump bie një zile si pjesë e një grupi muzikor me muzikantë të dobët dhe Zëvendëspresidentin J.D. Vance në bateri. “Ora e tyre ka ardhur”, vazhdon kënga, ndërsa Vdekja ecën nëpër një korridor të mbushur me portrete të udhëheqësve demokratë të Kongresit. “Këtu pushteti ka ikur. Russ Vought është Vdekja. Ai zotëron stilolapsin, fondet dhe trurin. Ja ku vjen Vdekja”, vazhdon kënga. Videoja e ndarë nga Trump u krijua nga Dilley Meme Team, e cila e quan veten “makina e luftës online e Trump”.
