Katër persona kanë mbetur të lënduar si pasojë e një aksidenti ndërmjet tri veturash në rrugën Prishtinë – Gjilan, përkatësisht në fshatin Kishnicë.
Lajmin për portalin rtv21.tv e ka konfirmuar zëdhënësja e Policisë për rajonin e Prishtinës, Flora Ahmeti.
“Rreth orës 19:30 kemi pranuar informatën se në fshatin Kishnicë, ka ndodhur një aksident trafiku me lëndime.
Në këtë aksident kanë qenë të përfshira tri automjete. Si pasojë e aksidentit lëndime trupore kanë pësuar katër persona”, ka thënë Ahmeti.
Ajo ka thënë se me rastin po merret njësiti i trafikut./21Media
