Trepça fiton Superkupën e Kosovës në basketboll pas një drame të vërtetë në fund

(Lajm i përditësuar)

Klubi i basketbolli Trepça e ka fituar trofeun e Superkupës së Kosovës në basketboll pasi në finale e xka mposhtur Pejën në Suharekë me rezultat tejet të ngushtë, 78-76.

Pas 20 minutave të para, Trepça po avanconte me rezultat 40-32, ndërsa çereku i tretë u mbyll me rezultat të ngushtë 57-53 për mitrovicasit.

Çereku i fundit solli lojë të ashpër dhe konkrete nga të dy ekipet, por që në fund fitores dhe trofeut të Superkupës i gëzua Trepça me vetëm dy pikë epërsi.

​Rifillon finalja mes Trepçës dhe Pejës

Ka rifilluar ndeshja finale e Superkupës së Kosovës në basketboll ndërmjet Trepçës dhe Pejës.

Policia ka zbrazur palestrën në Suharekë, aty ku po zhvillohet finalja e Superkupës së Kosovës në basketboll ndërmjet Pejës dhe Trepçës.

Ballafaqimi ndërmjet tyre u ndërpre pak para përfundimit të pjesës së parë, por pritet që të rinisë së shpejti.

​Ndërpritet finalja e Superkupës

Vetëm pak minuta para se të mbyllet pjesa e parë, është ndërprerë finalja e Superkupës së Kosovës ndërmjet Pejës dhe Trepçës.

Ishte trajneri i KB Pejës, Rami Hadar i cili ka urdhëruar lojtarët e skuadrës së tij që të tërhiqen nga parketi.

Arsyeja prapa këtij vendimi të trajneri izraelit ende nuk dihet.