Një person ka marrë lëndime të rënda trupore si pasojë e një sulmi fizik dhe me thikë. Rasti ka ndodhur mbrëmë rreth orës 20:11, në Fushë Kosovë.
“Është raportuar se i dyshuari mashkull kosovar fillimisht ka sulmuar fizikisht të dyshuarin mashkull kosovar e pastaj ky i fundit ka sulmuar me thikë të dyshuarin e parë duke i shkaktuar lëndim të rëndë trupor”, thuhet në raportin 24-orësh të Policisë.
I lënduari është dërguar për tretman mjekësor ndërsa i dyshuari tjetër gjendet në arrati.
Sipas Policisë rasti është duke u hetuar./21Media
