Ylli nesër do të ketë ndeshjen e parë në grupet e FIBA Europe Cup. Kjo është paraqitja e parë për therandasit në këtë garë. Kampionët e Kosovës në basketboll të përballen me skuadrën izraelite, Hapoel Nofar Galil Elion.
Sfida zhvillohet nga ora 19:00 në palestrën “Sezai Surroi” në Prizren.
Në këtë grup janë edhe dy skuadrat gjermane Brose Bamberg dhe Niners Chemnitz.
Ylli garon në FIBA Europe Cup, pasi në kualifikimet e Ligës së Kampionëve ishte mundur nga Benfica e Portugalisë.
“Derisa kjo është paraqitja e parë për kampionët e Kosovës në këtë garë, shpresojnë në paraqitje të mira, edhe pse do të kenë shumë vështirë”, thuhet në shkrimin e Federatës së Basketbollit të Kosovës./21Media
