Futbollisti anglez Jude Bellingham do t’i nënshtrohet një operacioni në shpatull këtë verë pasi ka luajtur me dhimbje për 18 muajt e fundit.
Mesfushori i Real Madrid ka vuajtur nga probleme që kur u lëndua gjatë ndeshjes kundër Rayo Vallecano, në nëntor 2023.
21-vjeçari mbeti jashtë fushës në dy ndeshje të Real Madridit dhe gjithashtu humbi ndeshjet e fundit kualifikuese të Anglisë për Euro 2024.
Bellingham shtyri operacionin dhe u detyrua të luante me një shpatull të tendosur rëndë për të parandaluar dëmtimin e mëtejshëm, shkruan Marca spanjolle.
Operacioni mund të bëjë që Bellingham të humbasë Kupën e Botës për Klube të muajit qershor. Real përballet me Al Hilal, Red Bull Salzburg dhe Pachuca, në një përpjekje për të siguruar çmimin prej 100 milionë eurosh.
