Kina ka shënuar një rritje të rasteve me COVID-19 në javët e fundit, gjë që ka ngarkuar mjaft ekonominë e vendit. Shanghai në veçanti nisi një bllokim të planifikuar me dy faza të qytetit me 26 milionë banorë të hënën, duke mbyllur urat dhe tunelet dhe duke kufizuar trafikun e autostradave për të përmbajtur rastet në rritje. Kina është gjithashtu e njohur për protokollet e saj të rrepta Covid me bllokimet në të gjithë qytetin që janë normë, transmeton rtv21.tv.
Tani, një video është shfaqur në internet e cila tregon një robot që patrullon rrugët e Shangait me katër këmbë dhe bën njoftime për banorët e një rruge. Përdoruesi i Twitter Eric Feigl-Ding postoi videon me mbishkrimin “Roboti që bredh rrugëve duke bërë njoftime shëndetësore në #Shanghai gjatë bllokimit”.
Robot roaming the streets making health announcements in #Shanghai during lockdown. pic.twitter.com/64x0mU4C2D
— Eric Feigl-Ding (@DrEricDing) March 31, 2022
Ndërsa disa përdorues u tmerruan dhe komentuan për natyrën distopike të mjedisit.
Qeveria e qytetit ka pezulluar transportin publik, duke përfshirë shërbimet e transportit, në zonat e mbyllura. Gjithashtu ka urdhëruar pezullimin e punës në firma dhe fabrika, me përjashtim të atyre që ofrojnë shërbime publike ose furnizojnë ushqime.
Qeveria vendore ka thënë më tej se do të përpiqet të parandalojë përhapjen e mëtejshme të pandemisë dhe të sigurojë nevojat e përditshme dhe shërbimet mjekësore për të gjithë./21Media
