Komisioni Qendror i Zgjedhjeve ka përditësuar të dhënat në platformën elektronike ku është treguar se deri më tash janë procesuar gati 70 për qind e rezultateve në vendvotimet në përfaqësitë diplomatike, për zgjedhjet e 9 shkurtit.
Deri në orën 18:56 janë procesuar 67.44 për qind e vendvotimeve, nga 43 përfaqësi diplomatike.
Sipas këtyre rezultateve, Lëvizja Vetëvendosje në koalicion me Guxo dhe Alternativa, ka marrë 81.97 për qind, Lidhja Demokratike e Kosovës 7.5 për qind të votave, Partia Demokratike e Kosovës 6.14 për qind dhe koalicioni AAK-Nisma 1.5 për qind të votave.
