Prishtinë: Arrijnë automjetet ushtarake amerikane për Ushtrinë e Kosovës
24 automjete ushtarake “Humvee” kanë ardhur nga Shtetet e Bashkuara, në Kosovë.
Këto mjete pritet të jenë në dispozicion të Forcave të Armatosura të Kosovës, të cilat pritet të themelohen me miratimin e tri ligjeve në Kuvendin e Kosovës, raporton kallxo.com.
Në pritje të kësaj dite, kryetari i Kuvendit të Kosovës, Kadri Veseli, po qëndron në Shtetet e Bashkuara.
Ditë më parë ai ka vizituar automjete të blinduara të Ushtrisë amerikane në shtetin e Iowas, për të cilat flitet se do të jenë pjesë e Forcave të Armatosura të Kosovës.
FSK-ja do të marrë edhe automjete te tjera “Humvee”, këtë herë dhuratë nga Amerika. Vlera e dhuratës mendohet se është rreth 10 milionë euro.
Më 14 dhjetor do të mbahet seanca ku është paraparë të votohen në lexim të dytë ligjet që i japin mandatin e mbrojtjes FSK-së.
