Pacolli: Njohjet nuk janë tërhequr
Ministri në detyrë i Punëve të Jashtme, Behgjet Pacolli, ka deklaruar se ministria që ai e drejton nuk ka dështuar në sjelljen e njohjeve për Kosovën.
Ai gjithashtu ka mohuar se disa shtete sikurse pretendon Beogradi zyrtar të kenë tërhequr njohjet e tyre për shtetin e Kosovës.
“Ministria e Punëve të Jashtme nuk ka dështuar, e dini mirë. Njohjet nuk janë tërhequr. Është tani e dinjitetshme që ne të kryejmë edhe një punë dhe t’i tregojmë botës se Kosova nuk është vend i krimeve, Kosova nuk ka bë krime ndaj askujt, por Kosova ka qenë viktimë e një gjenocidi të paparë”, tha ai në një konferencë për media.
Ndryshe, Behgjet Pacolli deklaroi sot se do t’i dorëzojë në Prokurori 10 mijë faqe dokumente, ku tregohet për krimet e Serbisë në Kosovë, gjatë kohës së luftës.
