Nuland: I bëjmë thirrje Kosovës dhe Serbisë që t’i ulin tensionet dhe të fillojnë zbatimin e marrëveshjes së Ohrit
(Lajm i përditësuar)
Nuland: I bëjmë thirrje Kosovës dhe Serbisë që t’i ulin tensionet dhe të fillojnë zbatimin e marrëveshjes së Ohrit
Zëvendëskryetarja amerikane e Shtetit për Çështjet Politike, Victoria Nuland u deklarua rreth takimit që pati me emisarin e Bashkimit Evropian për dialogun Kosovë-Serbi, Miroslav Lajçak.
Ajo njoftoi në Twitter se u bëjnë thirrje Kosovës dhe Serbisë që t’i ulin tensionet dhe të nisin menjëherë zbatimin e marrëveshjes së fundit për rrugën drejt normalizimit, përcjell portali rtv21.tv
“E kënaqur të mirëpres mikun e vjetër. Ne i bëjmë thirrje Kosovës dhe Serbisë që të ulin tensionet menjëherë dhe të fillojnë zbatimin e angazhimeve të Ohrit. Ne vazhdojmë të mbështesim planin trepikësh të BE-së si mënyra më e mirë për zgjidhjen e krizës.”, shkroi ajo në Twiiter.
Pleased to welcome old friend EUSR @MiroslavLajcak. We urge Kosovo and Serbia to de-escalate tensions immediately and begin implementing Ohrid commitments. We continue to support the EU three-point plan as the best way to resolve the crisis. pic.twitter.com/ZT4pnaEYYd
— Under Secretary Victoria Nuland (@UnderSecStateP) June 21, 2023
Lajçak në Uashington takon edhe dy zyrtarë të Shtëpisë së Bardhë, veriu temë e diskutimit
Gjatë qëndrimit të tij në Washngton, Emisari i posaçëm Miroslav Lajçak ka njoftuar se është takuar me dy zyrtarë të Shtëpisë së Bardhë- zëvendës këshilltarin për Siguri Kombëtare, Jon Finer dhe drejtoreshën e Lartë për Evropën, Amanda Sloat.
Siç ka shkruar Lajçak në Twitter ata kanë biseduar për situatën në veri
“Një takim shumë i dobishëm me zëvendës këshilltarin kryesor për Siguri Kombëtarë të SHBA-së, Jon Finer dhe Drejtoreshën e Lartë për Evropë, Amanda Slot, për situatën në Veri, hapat e nevojshëm për de-eskalim dhe rrugën përpara në dialogun e lehtësuar nga BE”, ka shkruar Lajçak./21Media
Very useful meeting with 🇺🇸 Principal Deputy National Security Adviser Jon Finer and Senior Director for Europe Amanda Sloat on the situation in the north of Kosovo, steps needed for de-escalation and the way forward in the 🇪🇺-facilitated Dialogue.
— Miroslav Lajčák (@MiroslavLajcak) June 21, 2023
