Murati: Iu hoq peta laknorit, opozita po e mban Kuvendin e bllokuar

Ministri në detyrë e Financave, Hekuran Murati, ka thënë se sot përfundimisht “ju hoq peta laknorit” duke u dëshmuar, sipas tij, se opozita po e mban Kuvendin e bllokuar.

“E patë sot – ju hoq peta lakrorit dhe u dëshmua që kjo opozitë po e mban Kuvendin e bllokuar,” tha Murati, duke iu referuar faktit që në seancë u votua një kandidat i ri dhe jo ai vetë.

Murati ka thënë se qëllimi që nga fillimi ka qenë të bllokohet Kuvendi, për shkak se sipas tij, nuk duan ta pranojnë rezultatin e zgjedhjeve.

“Të gjitha kanë qenë arsyetime për të zvarritur kohën. Është kohë e humbur për qytetarët, për institucionet dhe të gjithë. Ata po kërkojnë figurë uniteti, por uniteti duhet për presidentin, kryetarin e Kuvendit e zgjedh partia e parë fituese”, ka thënë ai.

Ka shtuar se qëllimi i këtyre partive është që rezultatin që nuk ua dha qytetari në zgjedhje, ta vjedhin në tavolinë “përmes vendimeve si ai i Kushtetueses”.