Momenti kur gruaja më e gjatë dhe gruaja më e shkurtë në botë takohen

Gruaja më e gjatë në botë dhe gruaja më e shkurtër në botë shijuan çajin e pasdites së bashku në Londër, ndërsa u takuan në shënimin e Ditës Botërore të Rekordeve Guinness 2024.

Rumeysa Geligo, një studiuese nga Turqia, dhe Jyoti Amge, nga India, u takuan për herë të parë.

Geligo është 2 metra e 15.16cm dhe Amge është 62.8cm.

Pavarësisht diferencës në gjatësi, ato shpejt janë bërë mikesha dhe kanë ndarë dhurata me njëra-tjetrën.

“Takimi me Jyotin për herë të parë ishte i mrekullueshëm. Ajo është zonja më e mrekullueshme në botë”, ka thënë Rumeysa.