Kancelarja Angela Merkel të mërkurën shprehu keqardhje për anulimin e takimit
Një ditë më parë, Benjamin Netanyahu anuloi një takim në Jerusalem me ministrin gjerman të Punëve të Jashtme, Sigmar Gabriel, një incident i paprecedentë diplomatik mes dy vendeve.
“Kancelarja shprehu gjithashtu keqardhje për moszhvillimin e takimit”, u shpreh zëdhënësi i Angela Merkel, Steffen Seibert, gjatë një konference shtypi në Berlin.
Ky takim mes kreut të qeverisë izraelite dhe kreut të diplomacisë gjermane, Sigmar Gabriel u anulua pasi ky i fundit refuzoi të heqë dorë nga një takim me përfaqësues të dy OJQ-ve izraelite me qëndrime kritike ndaj qeverisë së Netanyahut.
“Agjenda e vizitave të kancelares në vende të ndryshme përfshin në mënyrë të rregullt takime me OJQ dhe përfaqësues të shoqërisë civile dhe kjo është e mundur në demokraci për vizitorët e huaj për të biseduar me përfaqësues të shoqërisë civile me qëndrime kritike, pa shkaktuar asnjë problem rreth këtij fakti”, theksoi zëdhënësi.
Një zëdhënës i Ministrisë gjermane të Punëve të Jashtme, Sebastian Fischer shprehu shqetësimin e tij për situatën e OJQ-ve në Izrael./21Media
