Qendra Kombëtare për Menaxhimin Kufitar ka njoftuar se bashkatdhetarët tanë po presin mbi katër orë për të dalë nga Kosova në vendkalimet kufitare në Merdarë dhe Mutivodë, ku kolona e automjeteve brenda territorit të Kosovës arrin deri në 1.8km.
Sipas këtij njoftimi, pritjet të gjata për të dalë nga Kosova ka edhe në vendkalimin kufitar Dheu i Bardhë, ku po pritet deri në dy orë.
Në vendkalimet Muçibabë dhe Jarinjë, për të hyrë në Serbi po pritet nga 45 deri në 60 minuta.
Bëhet e ditur se për të hyrë në Kosovë në të gjitha vendkalimet nuk pritet më gjatë se 5-10 minuta./21Media
