Maliqi: Kurti pengesë e proceseve dhe interesave diplomatike Amerikane

Analisti politik, Agon Maliqi, ka shprehur shqetësim për raportet jo të mira midis Kosovës dhe SHBA-së. Sipas tij, këto janë rezultat i moskoordinimit të veprimeve të Qeverisë Kurti me SHBA-në. Në një intervistë për RTV21, Maliqi tha se edhe ekspertët në Uashington vlerësojnë se marrëdhëniet e Kurtit me SHBA-në janë problematike dhe se Kurti shihet si pengues i proceseve.

“Ky qëndrim i tyre reflekton konsensusin e mendimit të ekspertëve në Uashington, por edhe të gjithë njerëzve që e njohin problematikën e marrëdhënieve Kosovë–SHBA, se marrëdhënia e Kurtit me SHBA-në është problematike dhe ai shihet si pengesë e proceseve dhe interesave që diplomacia amerikane i ndjek në rajon. Mbështetja e SHBA-së ndaj Kosovës si shtet vazhdon, por ne nuk mund të kemi marrëdhënie produktive.”, tha ai./RTV21/21Media