Me rastin e Ditës Ndërkombëtare të Fëmijëve, kryetari i Kuvendit Glauk Konjufca, vizitoi SOS Fshatrat e Fëmijëve dhe Qendrën Burimore “Përparimi” në Prishtinë.
Në SOS Fshatrat e Fëmijëve, kryetari takoi fëmijët dhe shpërndau dhurata simbolike për ta.
Konjufca tha se fëmijëve duhet t’u kushtohet kujdes i veçantë, ndërkohë që premtoi angazhim më të madh dhe të vazhdueshëm për rritjen e mirëqenies së tyre.
“Jemi të vetëdijshëm që ka shumë punë përpara. Është një punë që nuk kryhet kurrë dhe duhet të bëhet në baza të përditshme, sepse fëmijët janë e ardhmja e shtetit tonë”, tha Konjufca.
Edhe në Qendrën Burimore “Përparimi”, Konjufca bëri thirrje për një kujdes të shtuar ndaj fëmijëve dhe të drejtave të tyre./21Media
