Komuna e Prishtinës paralajmëron gjoba ndaj qytetarëve që hedhin mbeturina në rrugë
Komuna e Prishtinës ka paralajmëruar gjoba të mëdha për qytetarët që hedhin mbeturina në rrugë.
“Me projekt rregulloren e re parashihen gjoba të mëdha dhe nuk do të tregohemi tolerant ndaj qytetarit që hedhë mbeturinat ku të mundet.”
Në faqen e Facebook të komunës është publikuar një video ku shihen dy persona duke hedhur mbeturina në rrugë.
“Nuk është i hijshëm një veprim i tillë. Nuk hedhen mbeturinat në gjelbërim por në shportë.
Ju lutemi qytetarë, pa bashkëpunimin e juaj nuk mundemi ta mbajmë pastër Kryeqytetin tonë.
Ne jemi duke punuar që në Prishtinë të vendosim sa më shumë shporta e kontejnerë, por përsëri na duhet edhe kujdesi i juaj që mos të hedhni mbeturina kështu.
Me projekt rregulloren e re parashihen gjoba të mëdha dhe nuk do të tregohemi tolerant ndaj qytetarit që hedhë mbeturinat ku të mundet.”, thuhet në njoftim./21Media
