Kirurgë shqiptarë dhe ndërkombëtarë bënë homazhe në Prekaz

Pas përfundimit të Kongresit të Parë Klinik të organizuar nga Kolegji i Kirurgëve të Kosovës në Prishtinë, në mëngjesin e sotëm, kirurgë ndërkombëtare dhe të trevave shqiptare, bënë homazhe në Prekaz dhe kujtuan sakrificat që i ka kaluar kjo familje.
I pranishëm në këto homazhe ishte edhe Rifat Jashari.
Pas kësaj vizite në Prekaz, pjesëmarrësit po vazhdojnë homazhet edhe në Gllogjan të Deçanit.
Ky kongres i ka zhvilluar punimet për tri ditë me radhë në Prishtinë dhe kanë marrë pjesë më shumë se 800 pjesëmarrës.
Kongresi i Parë Klinik është organizuar nga Kolegji i Kirurgëve të Kosovës dhe Odës së Mjekëve të Kosovës. Në panele të ndryshme kanë ligjëruar kirurgë ndërkombëtare dhe të trevave shqiptare.