Hoxhaj: Refuzimi i Malit të Zi për të dërguar ushtarë të NATO-s në Kosovë, thirrje për zgjim
Lideri i Partisë Demokratike të Kosovës, Enver Hoxhaj, ka komentuar refuzimin e fundit të Qeverisë së Malit të Zi për të dërguar ushtarët e saj në kuadër të NATO-s në Kosovë.
Në një postim në Twitter Hoxhaj ka thënë se kjo është një thirrje zgjimi për partnerët e Kosovës në NATO. Ai tutje ka shtuar se ndarja e unitetit NATO në rajon dhe në Kosovë u shërben vetëm interesave të Beogradit dhe Moskës
“Refuzimi i Malit të Zi për të dërguar ushtarë të NATO-s është një thirrje zgjimi për partnerët tanë në NATO. Srpski Svet po bëhet një kërcënim për orientimin Euro-Atlantik të Ballkanit Perëndimorë. Ndarja e unitetit NATO në rajon dhe në Kosovë u shërben vetëm interesave të Beogradit dhe Moskës, askujt tjetër”, ka shkruar Hoxhaj.
The refusal of Montenegro to send soldiers to @NATO_KFOR is a wake-up call for our partners in @NATO. Srpski Svet is becoming a threat to Euro-Atlantic orientation of WB. Dividing #NATO unity in the region & in #Kosovo serves only the interests of Belgrade & Moscow, no one elses.
— Enver Hoxhaj (@Enver_Hoxhaj) May 19, 2021
Sekretari i Përgjithshëm i Aleancës Veri-atlantike (NATO), Jens Stoltenberg dje ka thënë se përfshirja e ushtrisë së Malit të Zi në misionin e KFOR-it në Kosovë, do të kontribuonte për paqen dhe stabilitetin në rajon.
Këto komente të Stoltenbergut vijnë pasi Qeveria e Malit të Zi është shprehur kundër dërgimit të një toge të këmbësorisë në misionin e NATO-s në Kosovë, KFOR, dhe për këtë si arsyetim është përmendur pandemia./21Media
