Ambasadori i ShBA-së në Kosovë, Jeffrey Hovenier ka dënuar fuqishëm sulmin me shok-bomba ndaj patrullës së EULEX-it në Rudar.
Ambasadori amerikan ka thënë se “sulmet ndaj Policisë së Kosovës dhe personelit ndërkombëtarë të sigurisë janë të papranueshme”.
Tutje, Hovenier ka bërë thirrje që përgjegjësit të sillen para drejtësisë.
“SHBA-të i bashkohen EULEX-it në dënimin e fuqishëm të sulmit ndaj patrullës së EULEX-it mbrëmë. Sulmet e dhunshme ndaj Policisë së Kosovës dhe personelit të sigurisë ndërkombëtare janë të papranueshme dhe përgjegjësit duhet të mbajnë përgjegjësi përmes sistemit kosovar të drejtësisë”, ka shkruar Hovenier.
