Zëvendëskryeministrja dhe ministrja e Punëve të Jashtme dhe Diasporës, Donika Gërvalla, është takuar me homologun e saj çek, Jan Lipavský. Të dy ministrat kanë konfirmuar përkushtimin për thellimin e raporteve ndërshtetërore.
Gërvalla ka treguar mirënjohje për Presidencën Çeke të Bashkimit Evropian, lidhur me mbështetjen për liberalizimin e vizave për Kosovën.
“Ministrja Gërvalla, vlerësoi lart mbështetjen e vazhdueshme të Çekisë ndaj Kosovës në rrugën e saj drejt integrimit euro-atlantik si dhe në veçanti shprehu mirënjohjen e thellë ndaj Presidencës Çeke të BE-së për mbështetjen dhe punën e palodhur për liberalizimin e vizave”, ka njoftuar Ministria e Jashtme e Kosovës.
