Java e Imunizmit përkrah aktivitetet për të ngritur vetëdijen
Nën organizmit e Ministrisë së Shëndetësisë duke filluar nga ora 11:00 në Kosovë sot shënohet ‘Java e Imunizmit’.
“Duke respektuar se secili fëmijë meriton fillimin e shëndoshë të jetës, me rastin e Javës të Imunizimit, do të përkrahen aktivitete për të ngritur vetëdijen e politikë-bërësve, vendim-marrësve, profesionistëve shëndetësor prindërve, familjeve për rëndësinë e vaksinimit dhe avokim për vaksinim të gjithë fëmijëve”, thuhet në njoftimin e Ministrisë së Shëndetësisë.
Imunizimi është një nga intervenimet më efektive të shëndetit publik dhe ka potencial për të reduktuar vdekshmërinë e fëmijëve.
