Meta po braktis përdorimin e kontrolluesve të pavarur të fakteve në Facebook dhe Instagram, duke i zëvendësuar ato me “shënime të komunitetit” të stilit X, ku komentimi i saktësisë së postimeve u lihet përdoruesve.
Në një video të postuar së bashku me një postim në blog nga kompania të martën, shefi ekzekutiv Mark Zuckerberg tha se moderatorët e palëve të treta ishin “shumë të njëanshëm politikisht” dhe se ishte “koha për t’u kthyer në rrënjët tona rreth shprehjes së lirë”.
Joel Kaplan, i cili po zëvendëson Sir Nick Clegg si kreun e çështjeve globale të Metës, shkroi se mbështetja e kompanisë te moderatorë të pavarur ishte “me qëllim të mirë”, por shumë shpesh kishte rezultuar në censurimin e përdoruesve.
