Sot me fillim nga ora 18:00 stadiumi “Allianz Arena” i Munichut do të jetë nikoqir i përballjes mes Rumanisë dhe Holandës, e vlefshme kjo për raundin e 16-të të Kampionatit Evropian Euro 2024.
Rumania kaloi fazën e grupeve si lidere, në një grup me Belgjikën, Sllovakinë dhe Ukrainën, raporton KosovaPress.
Në anën tjetër, Holanda e kaloi fazën e grupeve si kombëtarja më e mirë nga vendi i tretë, në një grup me Austrinë, Francën e Poloninë.
Përballja e fundit mes Rumanisë dhe Holandës daton në muajin nëntor të vitit 2017, ku asokohe “Tulipanët” shënuan fitore bindëse 3:0.
Sa i përket ndeshjes së sotme, mungesa e vetme do të jetë Nicusor Bancu i Rumanisë për shkak të kartonëve të verdhë.
Tanimë formacionet zyrtare janë publikuar dhe ato i gjeni më poshtë.
