Sot, Shqipëria feston 110 vjetorin e shpalljes së pavarësisë.
Këngëtarja Dua Lipa po qëndron në Tiranë, pasi sot do të mbajë koncert për nder të pavarësisë së shtetit shqiptar.
Presidenti i Shqipërisë, Bajram Begaj dje njoftoi se i ka dorëzuar Lipës dekretin e nënshtetësisë shqiptare.
Sot, kryeministri shqiptar, Edi Rama u fotografua me Duan, së cilës ia dhuroi pasaportën shqiptare.
“..dhe me qytetaren më të re të Shqipërisë, ju uroj të gjithëve gëzuar përvjetorin e 110 të Flamurit të Pavarësisë, këtë ditë të bekuar të kombit tonë që sot do të mbyllet me Duan në Sheshin Skënderbej”, shkroi Rama në Facebook./21Media
