Britania e Madhe e ka goditur përsëri Moskën me sanksione të reja. Ky shtet ka vendosur sanksione ndaj bankës më të madhe ruse, Sberbank.
Gjithashtu, është e angazhuar për t’i dhënë fund të gjitha importeve të qymyrit dhe naftës ruse deri në fund të vitit 2022.
“Kjo do të jetë një tjetër goditje e madhe për ekonominë ruse dhe do të kufizojë më tej aftësitë e tyre në të ardhmen”, tha qeveria britanike në deklaratë.
Mbretëria e Bashkuar gjithashtu sanksionoi tetë oligarkë të tjerë rusë, të cilët presidenti rus Vladimir Putin “i përdor për të mbështetur ekonominë e tij të luftës”, shtohet në deklaratë./21Media
