Ish-kryeministri britanik, Tony Blair ishte emri i vetëm i përmendur nga Donald Trump si pjesë e “Bordit të Paqes” të tij.
Ish-lideri i Partisë Laburiste ka lëshuar një deklaratë pasi Trump e quajti atë një “njeri të mirë”, shkruan Skynews.
“Presidenti Trump ka hartuar një plan të guximshëm dhe inteligjent i cili, nëse miratohet, mund t’i japë fund luftës, të sjellë lehtësim të menjëhershëm në Gaza, mundësinë për një të ardhme më të ndritur dhe më të mirë për popullin e saj, duke siguruar njëkohësisht sigurinë absolute dhe të qëndrueshme të Izraelit dhe lirimin e të gjithë pengjeve”, shkruan ai.
“Na ofron shansin më të mirë për t’i dhënë fund dy viteve lufte, mjerimi dhe vuajtjeje dhe e falënderoj Presidentin Trump për lidershipin, vendosmërinë dhe angazhimin e tij”, vijon tutje Tony Blair.
Tony Blair shton se gatishmëria e Trump për të kryesuar Bordin e Paqes për të mbikëqyrur Gazën e re është një sinjal i madh mbështetjeje dhe besimi në të ardhmen e Gazës.
