Kampioni i Kosovës në futboll, Ballkani, ka rishkruar historinë duke arritur që të sigurojë pjesëmarrjen në fazën e grupeve të Ligës së Konferencës për herë të dytë radhazi.
Të përzgjedhur e trajnerit Ilir Daja eliminuan skuadrën nga Bjellorusia pas dy ndeshjeve me rezultat të përgjithshëm 4-2, duke bërë kështu një tjetër hap të madh në futbollin evropian, raporton KosovaPress.
Në ndeshjen kthyese, Ballkani pësoi disfatë minimale 1-0 në Hungari, por vazhdoi tutje duke iu falënderuar fitores së thellë në ndeshjen e parë të zhvilluar një javë më parë në stadiumin “Fadil Vokrri” në Prishtinë me rezultat 4-1.
Skuadra nga Suhareka edhe njëherë dëshmoi se është krenaria e futbollit kosovar, duke eliminuar skuadra të mëdha për të arritur deri në këtë fazë.
