Australianja Kaylee McKeown theu rekordin botëror në 50 metra të notit në shpinë për femra të premten, për t’u bërë personi i parë që mban njëkohësisht rekordet botërore në 50 m, 100 m dhe 200 m të notit në shpinë.
McKeown përfundoi me një kohë prej 26.86 sekonda në Duna Arena në Kupën e Botës në Budapest, Hungari, për të mposhtur rekordin e mëparshëm prej 26.98 sekondash të vendosur nga Liu Xiang nga Kina në vitin 2018.
Rekordi botëror është i treti i vitit për 22-vjeçaren.
“Unë jam padyshim shumë, shumë e lumtur,” tha McKeown, për World Aquatics.
McKeown është australianja e parë që mban rekordin botëror në 50 metra të notit shpinë.
Kampionia në fuqi olimpike mbi 100 m dhe 200 m, ajo do të shkojë në Lojërat Olimpike të vitit të ardhshëm në Paris si favoritja për medaljen e artë në të tre distancat.
