Arrestohet një person në Ferizaj për ngacmim seksual dhe sulm ndaj bashkëshortes

Një burrë është arrestuar në Ferizaj nën dyshimin se ka kryer ngacmim seksual ndaj një gruaje. Viktima dyshohet se është detyruar në mënyrë sistematike, në vende, lokacione dhe momente të ndryshme kohore, të shikojë materiale audio-vizuale me përmbajtje pornografike në telefonin e të dyshuarit.

Sipas raportit të Policisë, ai dyshohet gjithashtu se ka sulmuar edhe bashkëshorten e tij. Gjatë intervistimit, ai ka mohuar të gjitha pretendimet e viktimës.

Pas intervistimit dhe me vendim të prokurorit, i dyshuari është dërguar në mbajtje për procedura të mëtejshme.