Dy persona janë lënduar në një aksident trafiku që ka ndodhur sot në rrugën “Eqrem Çabej” në Prishtinë. Në aksident kanë qenë të përfshira pesë automjete.
Rastin për 21Media e ka konfirmuar zëdhënësi i Policisë së Kosovës për rajonin e Prishtinës, Agron Borovci.
“Sot rreth orës 11:00, në rrugën “Eqrem Çabej” në Prishtinë, ka ndodhur një aksident trafiku, në mes të pesë automjeteve. Si pasojë e aksidentit dy persona kanë pësuar lëndime trupore. Të njëjtit janë dërguar për trajtim të nevojshëm mjekësor”, ka njoftuar Borovci.
Hetuesit e njësitit të trafikut rajonal po merren me rastin./21Media
